Pullet beef úr innra læri með hrásalati og sætum frönskum.

Mýranauts innanlæri 850-1000g

Ég ætlaði að elda roast beef úr innanlæri, en gleymdi mér og ofeldaði kjötið. Þannig að ég lagaði BBQ sósu, makaði henni á kjötið og bakaði það á 120C í 3 tíma í viðbót(betra að hafa lægri hita og elda lengur, en þetta kom skyndilega upp). Eftir það kveikti ég upp í grillinu og henti reykspón á kolin og setti kjötið í álbakka og fékk gott reykbragð. Í hrásalatinu voru bara epli og gulrætur, rifið niður og saltað áður en vatnið var kreist úr. Fínt saxaður graslaukur. Majónes og dálítið sinnep.

Þetta borðuðum við í grilluðu brioche brauði, en það er hægt að borða þetta með hverju sem er.

 Hrásalat:

2-3 gulrætur

2 epli

2-3 msk majónes

Graslaukur

BBQ sósa:

Tómatsósa

Paprikukrydd milt

Engiferkrydd

Eplaedik (getum notað hvaða edik sem er t.d. sjerry eða hrísgrjónaedik)

Dálítið hunang

Sætar Franskar:

Ég skrældi sætar kartöflur og skar í þykka strimla, sauð í söltu vatni þangað til þær voru 99% soðnar, þerraði á pappír og þegar þær höfðu kólnað dálítið „djúpsteikti“ í pönnu með olíu. 

Verði ykkur að góðu, Guðmundur Pétursson